Vrugte wat by die bekering pas (5 van 12)

Laat los en Vat Vas (Put on and put off)

… dat julle, wat die vorige lewenswandel betref die oue mens moet aflê wat deur die begeerlikhede van die verleiding te gronde gaan,en dat julle vernuwe moet word in die gees van julle gemoed en julle met die nuwe mens moet beklee wat na God geskape is in ware geregtigheid en heiligheid (Efesiërs 4:22-24).

Dit klink soos iets wat ons self moet doen: trek die ou mens uit en trek die nuwe mens aan.  Die ou mens gaan ten gronde weens verleiding - maar die nuwe mens bestaan in heiligheid.  

Maar vlug vir die begeerlikhede van die jonkheid en jaag ná geregtigheid, geloof, liefde, vrede, saam met die wat die Here uit ‘n rein hart aanroep. En die dwase en onverstandige strydvrae moet jy afwys, omdat jy weet dat dit twis verwek; en ‘n dienskneg van die Here moet nie twis nie, maar vriendelik wees teenoor almal, bekwaam om te onderrig en een wat kwaad kan verdra (2 Timoteus 2:22-24).

Dis ook ietse wat ons self moet doen.  Vlug.  Jaag na. Roep aan. Wees vriendelik.  Bekwaam. Verdra kwaad.  Dis ook goete wat ons kry eers wanneer ons die nuwe mens aantrek. Ja - reg.  Alles is genade.  Maar ons moet self ook ietse doen.

En beproef wat die Here welbehaaglik is; en hou nie gemeenskap met die onvrugbare werke van die duisternis nie, maar bestraf dit liewer (Efesiërs 5:10-11).

Beproef (dokimazo) wat vir die Here welbehaaglik is? Dit beteken tog toets of eksamineer iets met onderskeiding of die Here daarmee tevrede is.  Dis tog ook ietse wat ons moet doen.  Dis nie iets wat die Here moet doen nie.  Ons moet die verkeerde dinge elegeho; dws weerle, mense vermaan wat daarmee besig is, vertel dis nie vir die Here aanneemlik nie, terregwysend optree en mense berispe wat dit doen.  Welbehaaglik?  Euarestos kan ook vertaal word met ten volle aangenaam; aanvaarbaar en met welbehaaglik.  En dit teks is duidelik: ons kan (en behoort!) te onderskei of gedrag sodanig is...  Dikwels sien en beleef ons dinge wat duidelik nie vir die Here welbehaaglik is nie en ons swyg of stap weg...hierdie teks is duidelik dat ons ietse daaromtrent moet doen.

Verder, my broeders, verbly julle in die Here (Filippense 3:1a).  Verbly julle altyd in die Here; ek herhaal: Verbly julle! Laat julle vriendelikheid aan alle mense bekend word. Die Here is naby. Wees oor niks besorg nie, maar laat julle begeertes in alles deur gebed en smeking met danksegging bekend word by God (Filippense 4:4-6).

Onderwerp julle dan aan God; weerstaan die duiwel, en hy sal van julle wegvlug. Nader tot God, en Hy sal tot julle nader. 

Reinig die hande, julle sondaars, en suiwer die harte, julle dubbelhartiges! Weeklaag, treur en ween. Laat julle gelag in treurigheid verander word en julle blydskap in bedruktheid. Verneder julle voor die Here, en Hy sal julle verhoog. 

Dis maar sleg dat Jakobus gelowiges aanspeek as sondaars en dubbelhartiges wat eerder moet ween en treur as om blydskap te leef.  Selfvernedering voor die Here word aanbeveel...  Waar staan ons hiermee?

Broeders, moenie van mekaar kwaad spreek nie. Dié wat kwaad spreek van sy broeder en sy broeder oordeel, spreek kwaad van die wet en oordeel die wet; en as jy die wet oordeel, is jy nie ‘n dader van die wet nie, maar ‘n regter (Jakobus 4:7-11).

Sjoe! Hierdie teks reken wanneer ons van mekaaar kwaadpraat, oordeel ons die wet van God!  Wat 'n verskriklike ding is skinner dan nie!

Eindelik, my broeders, word kragtig in die Here en in die krag van sy sterkte. 

Trek die volle wapenrusting van God aan, sodat julle staande kan bly teen die liste van die duiwel. Want ons worstelstryd is nie teen vlees en bloed nie, maar teen die owerhede, teen die magte, teen die wêreldheersers van die duisternis van hierdie eeu, teen die bose geeste in die lug. 

Daarom, neem die volle wapenrusting van God op, sodat julle weerstand kan bied in die dag van onheil en, nadat julle alles volbring het, staande kan bly. 

Staan dan vas, julle lendene met die waarheid omgord, met die borswapen van die geregtigheid aan, en as skoene aan julle voete die bereidheid vir die

evangelie van vrede. Behalwe dit alles neem die skild van die geloof op waarmee julle al die vurige pyle van die Bose sal kan uitblus. En neem aan die helm van verlossing en die swaard van die Gees - dit is die woord van God - terwyl julle met alle gebed en smeking by elke geleentheid bid in die Gees, en juis daartoe waak met alle volharding en smeking vir al die heiliges (Efesiërs 6:10-18).  

Ons word opdrag gegee om self die volle wapenrusting vir ons selfverdediging teen ons teenstaander aan te trek.  En wanneer ons dit gedoen het, kan ons al die versoekings van Satan afweer.  Ons kan dit doen.  Sjoe...