Preokkupasie

Preokkupasie
1096 woorde

Preokkupasie met geldsake en rykdom is problematies.  Ons behoort gepreokkupeerd met God te wees.

J. Hampton Keathly 111 maak die stelling dat een van Satan se effektiewe delusies is die gedagte dat ons geluk gekoppel is aan die dinge wat ons besit.  Met hierdie misleiding het hy mense gekry om 'n goue kalf te maak - materialisme. 

En baie van ons mense val voor sy voete neer en koop en verkoop en maak wins en kry meer besittings - en rykdom - en dink dit sal geluk bewerk.

Teenoor hierdie misleiding staan die volgeling van Christus met toegang tot al die bronne wat in die hemele beskikbaar is.  Dis rykdom.

Dit maak Christene egter nie immuun teen die misleiding van Satan nie.  Rykdom hou immers verband met die bronne waartoe jy toegang het en nie met die hoeveelheid bronne wat jy besit nie.  

En geluk is iets wat in die OT al afgewys is - omdat dit aan nog 'n afgodjie se invloed verbind is (die sogenaamde koningin van die hemel).  Geluk word in die NT gekoppel aan makarios (wel,gelukkig en salig) - en dit sluit onder andere in dat jy waardig gevind is om vir die Naam van Jesus Christus te ly.  Dit het niks met 'n klomp opgehoopte aardse besittings te make nie.

Nietemin is die wereld waarin ons lewe deurweef met die preokkupasie met geldgoeters. Op TV, radio, koerante, uitstalvensters, grootpadadvertensieborde.  Die verleiding om agter materialisme aan te loop is oral en dring ons lewens wetende en onwetende binne.  

Die Bybel roep ons egter op om 'n ander rigting aan ons preokkupasie te gee.

Volgelinge van Christus is net sulke vreemdelinge op hierdie aarde was wat Hy was.  En dit behoort te wys - of ons is nie vreemdelinge nie (1 Petrus 2:11)  "Geliefdes, ek vermaan julle as bywoners en vreemdelinge om julle te onthou van vleeslike begeertes wat stryd voer teen die siel... en verder (1 Petrus 1:17-18):  "En as julle Hom as Vader aanroep wat sonder aanneming van die persoon oordeel volgens elkeen se werk, wandel dan in vrees gedurende die tyd van julle vreemdelingskap; omdat julle weet dat julle nie deur verganklike dinge, silwer of goud, losgekoop is uit julle ydele lewenswandel wat deur die vaders oorgelewer is nie..."  Immers, die erfenis wat vir ons bestem is, is onbesmet, en onverganklik en word in die hemele vir ons bewaar (1 Petrus 1:4) - en hierdie erfenis het nie juis met geld en besittings te make nie...

Dit lyk my die rede waarom Christene dikwels gepreokkupeerd is met geldsake en welfaart, is omdat hulle nie hierdie advies (en opdrag!) in die voorgrond van hulle denke hou nie:  "Wees nugter en waaksaam, want julle teëstander, die duiwel, loop rond soos ‘n brullende leeu, en soek wie hy kan verslind. Hom moet julle teëstaan, standvastig in die geloof, omdat julle weet dat dieselfde lyding opgelê word aan julle broederskap wat in die wêreld is" (1 Petrus 5:8-9).  

Diegene wat nugter en waaksaam is en die teenstander teenstaan met standvastige geloof, sal nie mislei kan word met die preokkupasie met besittings nie.  Diesulkes kan maklik hulle preokkupasie verskuif na die wonderbaarlike lig (1 Petrus 2:9):  "Maar julle is ‘n uitverkore geslag, ‘n koninklike priesterdom, ‘n heilige volk, ‘n volk as eiendom verkry, om te verkondig die deugde van Hom wat julle uit die duisternis geroep het tot sy wonderbare lig..."

Jesus het in baie van die gelykenisse wat Hy vertel het, geldsake en besittings as voorbeelde gebruik.  Sestien van Jesus se agt-en-dertig gelykenisse het oor geldsake gehandel.  In een (Lukas 16:9-12) het Hy een van die betekenisse van geldsake en besittings so uiteengesit:  "En Ek sê vir julle: Maak vir julle vriende deur die onregverdige Mammon, sodat wanneer julle die lewe verlaat, hulle jul in die ewige tente kan ontvang. 
Hy wat getrou is in die minste, is ook in die grote getrou; en hy wat onregverdig is in die minste, is ook in die grote onregverdig. As julle dan nie getrou was in die onregverdige Mammon nie, wie sal julle die ware goed toevertrou? En as julle nie getrou was in ‘n ander se goed nie, wie sal aan julle jul eie gee?"

Mammon (geldsake en welfaart) is iets wat mens kan gebruik om hier te oorleef tot ons hierdie wereld verlaat - ons bestemming is die ewige tente.  Geldsake is nie 'n groot saak nie.  Jesus noem diegene wat dit goed bestuur as getrou in die minste.  Die fokus is op die  ware goed.  

Een van die merktekens van ware godsdiens is dus mense se houding teenoor geld en die daarmee gepaardgaande rykdom (wealth).

Die preokkupase met geldsake se misleiding word nog verder gevoer:  geld en welfaart bring geluk.  Wat mense egter werklik nodig het, kan nie met geld gekoop word nie.  Selfs onder die vaandel van die OT het God dit so gestel (Jesaja 55:1-3):  "O almal wat dors het, kom na die waters; en wie geen geld het nie, kom, koop en eet; ja, kom, koop sonder geld en sonder prys, wyn en melk! Waarom weeg julle geld af vir wat geen brood is nie, en julle arbeid vir wat nie kan versadig nie? Luister aandagtig na My en eet die goeie, en laat julle siel hom in vettigheid verlustig. Neig julle oor en kom na My toe, luister, en julle siel sal lewe; Ek wil met julle ‘n ewige verbond sluit: die bestendige genadebewyse van Dawid."

Een van die kenmerke van die gelowige is sy preokkupasie met hemelse skatte, nie met aardse skatte nie:  "Moenie vir julle skatte bymekaarmaak op die aarde, waar mot en roes verniel en waar diewe inbreek en steel nie; maar maak vir julle skatte bymekaar in die hemel, waar geen mot of roes verniel nie en waar diewe nie inbreek en steel nie; want waar julle skat is, daar sal julle hart ook wees" (Matteus 6:19-21).

Geldsake en rykdom is belangrik omdat jou preokkupasie daarmee (of nie) jou verhouding met God uitstraal, jou doelwitte vir hierdie aardse lewe belig, en jou karakter openbaar.

Die Bybel leer duidelik dat ons makarios (nie geluk wat glo van 'n geluksgodin af kom nie) gekoppel is aan dinge soos die saligsprekinge wat Jesus tydens die bekende bergrede uiteengesit het (Matteus 5-7).  

Preokkupasie met geldsake en rykdom is delusies van die Satan.  

Ons behoort gepreokkupeerd te wees met God.  

Ons is immers na sy beeld en gelykenis geskape en daarom behoort ons lewenswandel hier en nou dit in alle opsigte uit te beeld.


Lees gerus meer hieroor:  

J. Hampton Keathley, III , Th.M.

http://www.bible.org/page.php?page_id=813

Vooraf(eind)bestemming

Jou Vooraf(eind)bestemming
530 woorde

Jou vooraf(eind)bestemming is om net soos Jesus te wees.  

So - Jesus het dit so aan Nikodemus verduidelik (Johannes 3:3):  "... as iemand nie weer gebore word nie, kan jy die koninkryk van God nie sien nie."

anothem = van bo af; opnuut; weer; van die heel eerste begin af
genao = voortplang [spesifiek van die vader se kant af]; wedergebore; verwerk; voortbring; ontvang; swanger word; delivered  

Wanneer jy dan so opnuut van Bo af verwek is, [dan] word God jou Vader  "... en julle sal vir My seunes (huios) en dogters (thugater) wees, spreek die Here, die Almagtige."  Dan - wanneer jy 'n seun of dogter van God die Vader is - is jy Jesus Christus se broer.  Hy noem jou dan ook self so to Hy met Maria gepraat het na sy opstanding (Johannes 20:17):  "Jesus sê vir haar: Raak My nie aan nie, want Ek het nog nie opgevaar na my Vader nie; maar gaan na my broeders en sê vir hulle: Ek vaar op na my Vader en julle Vader, en my God en julle God."  

Kortweg?  Wanneer jy dan 'n seun of dogter van God is, en Jesus Christus se broer of suster, dan is jy inderdaad 'n nuwe skepsel (en nie meer 'n mere mortal nie?)...  Lees bietjie hier (2 Korinthiers 5:17):  "Daarom, as iemand in Christus is, is hy 'n nuwe skepsel; die ou dinge het verbygegaan, kyk, dit het alles nuut geword."

kainos = nuwe; vars
ktisis = formering; skepping; kreatuur

Een van die bekende en ingrypende veranderinge wat dan plaasvind, is dat jou gelykvormigheid aan hierdie wereld drasties begin verander "... deur die vernuwing van julle gemoed, sodat julle kan beproef wat die goeie en welgevallige en volmaakte wil van God is" (Romeine 12:2).  

anakainosis = vernuwing; opknapping; herstel) 

nous = intellke; gevoel; wil; betekenis; begrip; gedagte; denke; gemoed; denkgees), 

dokimazo = toets; bewys; onderskei; ondersoek/eksamineer)

agathos = goed; voordelig 

euarestos = aanvaarde; welgevallige; fully agreeable; wellpleasing

teleios = volwaardige; complete in moral and mental character; completeness; volwasse [full age]; perfekte wil 

thelema = determinasie; keuse; doel; dekreet; wil; wens; inklinasie; begeerte; pleasure) 

Kortweg? 'n Seun of dogter van God se denke, wil en gevoel kan - en moet! -  verander om in staat te wees om op te lyn met die aanvaarde, welgevallige wil van God insake die volwaardige morele inklinasies en wense wat vir God vreugde verskaf…  Wanneer jy denke, wil en gevoel in ooreenstemming kom met die van God - nou ook jou Vader deur Jesus Christus - dan is die logiese gevolg daarvan dat jy al meer en meer soos Jesus gaan dink, voel en wil - en doen...

Dit werk so (1 Petrus 1:23):  "... julle is wedergebore nie uit verganklike saad nie, maar uit onverganklike, deur die lewende woord van God wat tot in ewigheid bly."

Wanneer jy God die Vader se seun of dogter is, is jy uit God se Saad gebore - en dit (sy woord - en jy dus daarmee saam) hou vir ewig.  Soos Jesus ook vir ewig hou...

Dus is jou vooraf(eind)bestemming om soos Jesus Christus te wees.  Hier.  Nou al.  En hierna.  Sonder ophou.  Ewigdurend...

Stofwolk

Stofwolk
Woorde 527

Baie van wat Jesus geleer het, het Hy deur middel van gelykenisse gedoen.  Met die gelykenisse het Hy dinge weggesteek en dinge geopenbaar.  

Hy het onder andere bekendgemaak hoe God is:

Hy is soos 'n vrou soek na 'n penning wat sy verloor het, soek en stof opskop tot sy dit kry - en vier sy fees.  So soek God na die verlore mens tot Hy hom kry - en dan vier Hy fees.

Hy is soos 'n skaapwagter wat die een gaan soek wat van die trop afgedwaal het, en wanneer hy dit kry, vier hy fees.  So soek God na die verlore mens tot Hy hom kry - en dan vier Hy fees.

Hy is soos 'n pa wat sy verlore seun inwag. Wanneer die seun terugkeer, vier die pa fees. So wag God vir die verlore mens tot Hy trugkom - en dan vier Hy fees.

God is ook soos 'n werkgewer wat vir almal wat vir hom werk, dieselfde loon gee - of hulle nou min of baie ure gewerk het.  So gee God aan al die mens wat in sy koninkryk werk, dieselfde ewige loon.

Hy is soos 'n man wat sy vriend om middernag met 'n brood help.  So gee God wat jy nodig het - al kom jy ook om middernag eers by Hom aan.

Kortweg?  Jesus het geleer God die Vader is goed.  En Hy aan om goed te wees.  Hy betoon onbegrensde liefde aan mense.

Met die gelykenisse het Jesus ook bekendgemaak wat God van jou verwag.

Hy verwag jy moet aan ander doen soos Hy aan jou gedoen het - betoon warmhartigheid soos die barmhartige Samaritaan.

Hy verwag jy sal in sy koninkryk gaan werk - al het jy eers Nee geantwoord toe Hy die opdrag gegee het.

Hy verwag jy sal diegene wat by jou in die skuld is, vrystel, omdat Hy jou van jou skuld(las van sonde) vrygespreek het.

Hy verwag dat jy jou jou lewe sal bou op die woorde van Christus - wetende dat jou lewe dan die storms sal kan weerstaan.

Hy weet ons gaan almal aan die slaap wees wanneer Jesus weer kom - maar Hy verwag dat jy ekstra olie by jou sal dra...

So verwag Hy ook dat jy sal aanhou om die goeie saad van die woord te saai - al val dit ook op harde grond, tussen klippe, tussen struike of in die goeie grond...

Kortweg?  Hy verwag van jou om bonatuurlik anders te lewe as wat die wereldlinge lewe.

Met die gelykenisse het Jesus ook bekendgemaak hoe die koninkryk herken kan word wat Hy vir jou voorberei het.  Dit is soos

'n skat wat onder die grond weggesteek is waarop jy toevallig afkom...
'n kosbare juweel wat soveel werd is dat jy alles wat jy besit daarvoor sal gee...
'n plant se saad wat aanhou groei en groot word en aanhou vrugte dra...
suurdeeg wat die hele aarde deurtrek en dit bruikbaar maak...
'n mosterdsaadjie wat 'n groot boom word waaronder baie skuiling kan vind...

Kortweg?

God skop 'n stofwolk op om jou te kry.  En wanneer Jy jou vind, vier Hy fees.

Ketters

Ketters

665 woorde

"Daarom, hulle wat waarlik Jesus Christus se dissipels is, ontvang genade van Hom, en doen in sy Naam wonderdade tot voordeel van die res van die mense, soos wat elkeen die gawe van Hom ontvang het.  Want sommige dryf waarlik en inderdaad duiwels uit, sodat dit dikwels gebeur dat hulle wat van die bose geeste gereinig is, glo en in die gemeente opgeneem word.  Ander weer het voorkennis van dinge wat kom, en sien visioene en uiter profetiese woorde; andere genees die siekes deur die oplegging van hande en maak hulle gesond; meer nog, soos ons reeds gese het, selfs dooies is opgewek  en het onder ons vir baie jare gebly.  En wat moet ek meer se?  Dit is nie moontlik om 'n getal te noem van die gawes wat die gelowiges oor die hele wereld van God ontvang het nie; elke dag, in die Naam van Christus, wat gekruisig is onder Pontius Pilatus, wend hulle die gawes aan tot voordeel van die nasies, maar hulle bedrieg niemand nie en maak uit niemand wins nie, want net soos hulle die gawes verniet van God ontvang het, bedien hulle ook die ander mense verniet.  Ook doen hulle niks deur die aanroep van engele nie, ook nie deur towerspreuke nie, ook nie op enige ander bose en snaakse wyse nie, maar wel deur gebede op 'n rein en skoon en openhartige wyse te rig tot die Here wat alles gemaak het. Deur die Naam van onse Here Jesus Christus aan te roep, doen die gelowiges wonderdade tot voordeel van die mense, maar hulle lei hulle nie tot dwaling nie.  Die Naam van onse Here Jesus Christus verrig selfs nou nog weldade en genees waarlik uiters doeltreffend almal wat oral in Hom glo..."

"Want hulle ( = die ketters, Simon en Carpocratus) kan nie visie aan blindes gee nie, ook nie gehoor aan dowes nie, ook kan hulle nie al die demone uitdryf nie, behalwe natuurlik die demone wat deur hulle self ingestuur word, as hulle dit ooit kan doen; ook kan hulle nie die swakkes of lammes of paraplee genees nie, ook nie hulle wat in enige ander deel van die liggaam geteister is nie, soos so dikwels in verband met liggaamlike swakheid gedoen is; ook kan hulle nie goeie gesondheid skenk aan diegene wat deur eksterne omstandighede geteister is nie.  En hulle ( = Simon en Carprocrates) is so ver daarvan om dooies op te werk, soos wat die Here opgewek het, en die apostels deur gebed gedoen het, en baie dikwels in die broederkring op grond van een of ander noodsaak gebeur, terwyl die hele gemeente op daardie plek met vas en baie gebed en smekinge daarvoor opstuur.  Die gees van die gestorwe man het teruggekeer en hy is teruggegee in antwoord op die gebede van die heiliges.  Hierdie ketters glo inderdaad nie eers dat dit kan gebeur nie..."

Baie gelowiges van ons dag is oortuig dat die genesing van siekes en die opwekking van dooies saam met die apostoliese tydperk gestop het - en dat dit dus nie meer voorkom nie. Hulle is oortuig dit was net bedoel om die  'kerk te vestig'.    Maar hier in die tweede eeu na Christus skryf Irenaeus dat dit nog algemeen voorgekom het.  En hy vermeld duidelik dat dit die  'gewone gelowiges'  is wat dit bewerk het.  Dis geen wonder nie dat Jesus gewonder het of Hy nog geloof op die aarde sal vind wanneer Hy weer kom nie... (Lukas 18:8).

Irenaeus het gelewe in Klein Asie, in die tweede eeu na Christus.

Bogenoemde is twee woordelikse aanhalings wat kom uit Irenaeus se werk genaamd Teen Ketterye.  Die vertaling daarvan wat hierbo weergegee is, kom uit die werk van Prof Dr HF Stander, dosent in Grieks aan die Universiteit van Pretoria en tans Adjunk Dekaan van die Fakulteit Lettere en Wysbegeerte.  Die boek waarin hy dit gepubliseer het se titel is Die Besondere Gawes van die Heilige Gees in die eerste vier eeue na Christus, 1986.